Na Facebook, video moko etalemi mingi koleka milio moko ya batu. Bilili wana ezali koloba été soki osaleli aimant okozwa lotiliki. Nzoka nde, likambu oyo ezali ya solo te. Na Facebook, babengaka motindo ya publication ya boye « piège à commentaires ».
Na ba sanza mibale ya pamba, bilili oyo ekabwami na batu ebele pe mingi bakosami pe bandimi likambo oyo. Ebele kutu babakisi maloba pona kopesa longonya na mokeli bilili oyo pe kosenga nzela na ye ya singa pona asalela pe bango.
Pona kobimisa solo na kati ya lokuta oyo, Congo Check elukaki makomi ya bato batanga lotiliki lokola Faraday. Ye aloba wuta kala été makoki ezali pona kozwa lotiliki na nzela ya ba aimants. Kasi, esengeli kosala ndenge elobami na bilili oyo te. Pona kozwa lotiliki, esengeli kozala na aimant ya munene pe ba masini pona koningisa yango. Lotiliki ya boye ebengami na lopoto “courant induit” oyo esengeli eleka na transformateur.
Congo Check asukaki wana te. Topusanaki pe pembeni ya Léon Mushila, électricien pe molakisi na biteyelo ya Kinshasa. Ye pe alobaki ete video oyo eza solo te. « Ya solo penza okoki kozua lotiliki na kosalelaka ba aimant. Kasi na lolenge oyo te. Courant pona kosalisa biloko ya ndaku eza 220 volts. Na aimant oyo, okoki kozwa ata 5 volts te », boye nde alobaki.
Congo Check amekaki kokomela mokeli bilili oyo pona kozwa pe maloba na ye kasi ayanoli nanu te. Na Facebook, esengeli kosala keba yambo ya kolanda to kakabola makambu. Bilili oyo ekoki pe komema likama na ma bota pamba te lotiliki ebo-maka.
