Banda ebandeli ya sanza ya zomi na moko, batu ebele bakaboli na Facebook makomi ezo yebisa batu basala keba na mobeko mokonzi ya Congo. Kolanda makomi na bango, article 217 ya mobeko lina epesi nzela ya bokabi biteni ya mboka epa bapaya. Nzoka nde, eza ya solo te.
Mosaleli moko ya Internet akomi : « Article 217 elobi soki RD Congo eza na mopotanu na pays voisin RDC akoki kotikela pays wana eteni naye ya mabele pona koluka kimia ».
Makomi oyo epanzani epa basaseli ebele ya Facebook. Na Congo Check, tomeki kokomela basali oyo ya Internet kasi bayanoli na mituna nab iso te.
Nzoka nde, na botangi mobeko mokonzi ya RDC, bayi Congo Check bamoni ete makambu lina eza ya solo te. Article 217 elobeli nde botiki makoki ndambu pona Article 217 elobeli nde botiki makoki ndambu pona ba traités internationaux oyo Congo etiya mokoloto. Tobengaki Bob Kabamba, moko ya bakomi mobeko mokonzi pona limbo-la.
« article 217 ekoki kososolama neti makoki Congo epesi Union africaine too ba organisations lokola SADC, CPI, EAC…pona kokela mosolo moko to pe mapinga moko pona Afrika mobimba. »
— Bob Kabamba, Molakisi na Universite ya Liege
Na nzela ya singa, mokeli mobeko oyo a lobi ete article 217 ekoki kososolama neti makoki Congo epesi Union africaine too ba organisations lokola SADC, CPI, EAC…pona kokela mosolo moko to pe mapinga moko pona Afrika mobimba. “Eza makambu ya mabele te”, boye nde akataki likam-bo oyo.
Kala mingi te, mokonzi ya mboka alobaki polele posa naye ya kobongola mobeko mokonzi. Wuta maloba ne ye, lokuta mingi ezo tambola na Internet. Esengeli bayi mboka basala keba po bakosama te.
