Na Tiktok pe Facecebook, bilili moko ekabwami mingi penza, kolakisaka mwasi moko azali koloba kati na lisanga ya bakeli mibeko. Na ba réseaux sociaux oyo babale, balobi ete ezali moko ya ba ministre ya mboka Angola. Nzoka nde, ezali bongo te. Congo Check aluki pe abimisi sembo.
Kozwa ndakisa ya réseau social Tiktok, bilili eye etalemi na bat oba ike penza wuta etiama na mobu 2023.
Kasi wuta sanza ya sanza ya février, bilili liye ezongi lisusu na ba sango, wuta nkumu mokonzi ya Angola atiki ebonga na ye ya koyokanisa Paul Kagame na Félix Tshisekedi. Mokolo ya le 20 février, makomi moko na Facebook elobaki ete mwasi oyo ya « Angolaise » aza mayele pe nzunzu ata ko aza likukuma.
« Ministre ya Angola na parlement ya Portugal aza na likukuma mais tala silence ya mindelé à l’écoute. Bazo yoka yé avec beaucoup de respect, mais ya boye soki ezalaki na Kinshasa eeeeeh ndé a sambwé », elobi moto musus kaka na Facebook.
Nzoka nde, lisanga ya Congo Check elukaki koyeba bosolo ya likambo yo. Nakosalelaka boluki na kobalusaka bilili, etalisami polele ete elenge mwasi oyo aza ministre ya Angola te. Mbano epesaki nzela ya koyeba été kombo ya mwasi oyo eza Joacine Katar Moreira, moyangeli mobeko (députée) ya kala na mboka Portugal. Wuta boponami na ye na ye na 2019 kino kolongwa na ye na 2022, afingamaki mingi pona likukuma, bobola na ye pe kowuta na ye Afrika.
Boluki na biso epesaki pe nzela ya komona bilili ebele ya likukuma na ye po na kolakisa ete bilili oyo eza ya solo kasi etiamaki nde na esika mosusu.
Bilili oyo etiamaki na Internet na tina ya koseka elenge mwasi oyo. Nzoka nde, na lisitware ya mokili, bakonzi ebele et batu ya mayele penza oyo bakenda sango bazalaki na likukuma, ndakisa ya Churchill, Einstein, Napoléon to pe Roosevelt.
